Qazaqstan Respýblıkasy Investısııalar jáne damý mınıstrliginiń  №253

2015 jylǵy 27 aqpan, Astana qalasy Qazaqstan Respýblıkasy Energetıka mınıstrliginiń 2015 jylǵy 27 naýryz №241 Astana qalasy Birlesken buıryǵy Jer qoınaýyn paıdalaný jónindegi operasııalardy júrgizý kezinde taýarlardy, jumystar men kórsetiletin qyzmetterdi satyp alý qaǵıdalaryn bekitý týraly «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasynyń Zańy 19-babynyń 6) tarmaqshasyna sáıkes buıyramyz: 1. Qosa berilip otyrǵan Jer qoınaýyn paıdalaný jónindegi operasııalardy júrgizý kezinde taýarlardy, jumystar men kórsetiletin qyzmetterdi satyp alý qaǵıdalary bekitilsin. 2. Qazaqstan Respýblıkasy Investısııalar jáne damý mınıstrligi Indýstrııalyq damý jáne ónerkásiptik qaýipsizdik komıteti: 1) osy buıryqty Qazaqstan Respýblıkasy Ádilet mınıstrliginde zańnamada belgilengen tártipte memlekettik tirkeýdi; 2) Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde osy kóshirmesin merzimdi baspa basylymdaryna jáne «Qazaqstan Respýblıkasynyń Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesine resmı jarııalaýǵa jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ınternet-portalynda ornalastyrýdy; 4) Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine jáne jetekshilik etetin Qazaqstan Respýblıkasynyń Energetıka vıse-mınıstrine júktelsin. 4. Osy buıryq onyń alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV Qazaqstan Respýblıkasynyń Energetıka mınıstri V.ShKOLNIK Qazaqstan Respýblıkasy Investısııalar jáne damý mınıstriniń 2015 jylǵy 27 aqpandaǵy №253 jáne Qazaqstan Respýblıkasy Energetıka mınıstriniń 2015 jylǵy 27 naýryzdaǵy №241 birlesken buıryǵymen bekitilgen Jer qoınaýyn paıdalaný jónindegi operasııalardy júrgizý kezinde taýarlardy, jumystar men kórsetiletin qyzmetterdi satyp alý qaǵıdalary 1. Jalpy erejeler 1. Osy Jer qoınaýyn paıdalaný jónindegi operasııalardy júrgizý kezinde taýarlardy, jumystar men kórsetiletin qyzmetterdi satyp alý qaǵıdalary (budan ári – Qaǵıdalar) «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasynyń Zańyna (budan ári – Zań) sáıkes ázirlendi jáne taýarlardy, jumystar men kórsetiletin qyzmetterdi (budan ári – TJQ) satyp alýdyń jyldyq jáne (nemese) orta merzimdi jáne (nemese) uzaq merzimdi baǵdarlamalarynda kózdelgen jer qoınaýyn paıdalaný jónindegi operasııalardy júrgizý kezinde jer qoınaýyn paıdalanýshylardyń jáne olardyń ýákiletti adamdarynyń, sondaı-aq jer qoınaýyn paıdalanýshylar nemese jer qoınaýyn paıdalanýshylardyń ýákiletti adamdarymen jumysy Qazaqstan Respýblıkasynyń Úkimeti belgilegen tártippen jer qoınaýyn paıdalaný jónindegi operasııalardy júrgizý kezinde paıdalanylatyn taýarlardyń, jumystar men kórsetiletin qyzmetterdiń jáne olardy óndirýshilerdiń tiziliminiń jumysymen úılestirilgen, Internet jelisiniń qazaqstandyq segmentinde ornalastyrylǵan elektrondyq satyp alý júıesin paıdalana otyryp, jer qoınaýyn paıdalaný jónindegi operasııalardy júrgizýge baılanysty jekelegen jumystardy oryndaý úshin tartatyn merdigerlerdiń TJQ satyp alý tártibin aıqyndaıdy. Jer qoınaýyn paıdalaný jónindegi operasııalardy júrgizý kezinde TJQ satyp alýǵa baılanysty tapsyrys berýshilerdiń satyp alýdy júzege asyrý rásimderi Qazaqstan Respýblıkasynyń aýmaǵynda júrgiziledi. 2. Osy Qaǵıdalar: 1) keń taralǵan paıdaly qazbalardy barlaý nemese óndirý boıynsha operasııalardy júzege asyratyn jer qoınaýyn paıdalanýshylarǵa; 2) Qazaqstan Respýblıkasynyń memlekettik satyp alý týraly zańnamasyna sáıkes TJQ-ny satyp alatyn jer qoınaýyn paıdalanýshylarǵa; 3) daýys beretin aksııalarynyń (qatysý úlesteriniń) elý jáne odan da kóp paıyzyn tikeleı nemese janama túrde ulttyq basqarýshy holdıng ıelenetin jer qoınaýyn paıdalaný quqyǵyna ıe zańdy tulǵalarǵa qoldanylmaıdy. 3. Osy Qaǵıdalarda Zańda belgilengen uǵymdar men anyqtamalar, sondaı-aq mynadaı uǵymdar paıdalanylady: 1) áleýetti jetkizýshi – jer qoınaýyn paıdalaný jónindegi operasııalardy júrgizý kezinde paıdalanylatyn TJQ-ny satyp alý prosesine qatysýshy jeke adam, zańdy adam, zańdy adamdardyń ýaqytsha birlestigi (konsorsıým); 2) áleýetti jetkizýshiniń affılıırlengen adamy – sheshimderdi aıqyndaý jáne (nemese) osy áleýetti jetkizýshi qabyldaıtyn sheshimderge, onyń ishinde jazbasha nysanda jasalǵan mámileniń kúshine áser etýge quqyly kez kelgen jeke nemese zańdy adam, sondaı-aq oǵan qatysty osy áleýetti jetkizýshi osyndaı quqyqqa ıe kez kelgen jeke nemese zańdy adam; 3) birtekti TJQ – birdeı bolyp tabylmaıtyn, uqsas sıpattamalary bar jáne bir fýnksııany oryndaýǵa jáne ózara almasymdy bolýǵa múmkindik beretin uqsas quramdastardan turatyn TJQ; 4) janama qyzmet – jer qoınaýyn paıdalaný jónindegi operasııalardy júrgizýge baılanysty emes jáne lısenzııalyq kelisimsharttyq talaptardy oryndaýǵa baǵyttalǵan, shyǵystaryn quzyretti organ jer qoınaýyn paıdalanýshynyń kelisimsharttyq mindettemelerin oryndaý retinde esepke alatyn qyzmet; 5) jer qoınaýyn paıdalaný jónindegi operasııalardy júrgizý kezinde paıdalanylatyn taýarlardyń, jumystar men kórsetiletin qyzmetterdiń jáne olardy óndirýshilerdiń tizilimi (budan ári – tizilim) – jer qoınaýyn paıdalaný jónindegi operasııalardy júrgizý kezinde paıdalanylatyn TJQ-ny satyp alýdy jáne olardyń óndirýshilerin baqylaý jáne monıtorıngileý, sondaı-aq elektrondyq satyp alý júrgizý men jer qoınaýyn paıdalaný jónindegi operasııalardy júrgizý kezinde paıdalanylatyn TJQ tizbesin qalyptastyrýǵa arnalǵan memlekettik aqparattyq júıe; 6) jer qoınaýyn paıdalanýshynyń ýákiletti adamy – osy Qaǵıdalarǵa sáıkes jer qoınaýyn paıdalaný jónindegi operasııalardy júrgizý kezinde TJQ-ny jer qoınaýyn paıdalanýshy atynan satyp alýdy júzege asyrýǵa jer qoınaýyn paıdalanýshy ýákilettik bergen jeke nemese zańdy adam; 7) konkýrstyq komıssııa – osy Qaǵıdalardyń 6-tarmaǵynyń 1), 4) tarmaqshalarynda belgilengen tártippen jáne tásildermen TJQ-ny satyp alýdy júrgizýdiń rásimderin oryndaý úshin tapsyrys berýshi quratyn alqaly organ; 8) konkýrstyq qujattama – ashyq konkýrsty ótkizý sharttaryn qamtıtyn konkýrstyq ótinimdi jáne konkýrstyq baǵa usynysyn daıyndaý úshin áleýetti jetkizýshige usynylatyn, tapsyrys berýshi bekitken qujattama; 9) keshendi jumys – qatty paıdaly qazbalar salasyndaǵy jer qoınaýyn paıdalanýshylarǵa ǵana taralatyn jáne jobalyq jáne izdestirý jumystaryn, tolyq aıaqtalǵan qurylys, jobalaý jáne zertteý jumystaryn tolyq aıaqtalǵan qurylysty (qajet bolǵan jaǵdaıda) basqarýdy qamtıtyn jumystar men kórsetiletin qyzmetterdiń jıyntyǵy jáne kórsetilgen jumystarǵa ilespeli taýarlardy jetkizý, qyzmetterdi kórsetý; 10) Qazaqstan Respýblıkasynyń Ulttyq kýálandyrýshy ortalyǵy – «elektrondyq úkimettiń», memlekettik jáne memlekettik emes aqparattyq júıelerdiń qatysýshylaryna qyzmet kórsetetin kýálandyrýshy ortalyq; 11) qarjylyq jyl – Qazaqstan Respýblıkasynyń bıýdjet zańnamasyna sáıkes aıqyndalǵan ýaqyt kezeńi; 12) merdiger – jer qoınaýyn paıdalaný jónindegi operasııalardy júrgizýge baılanysty jumystardyń jekelegen túrlerin oryndaý úshin jer qoınaýyn paıdalanýshy nemese onyń ýákiletti adamy tartatyn jeke nemese zańdy adam; 13) satyp alý – kelisimsharttyq mindettemelerdi jáne osy Qaǵıdalarda belgilengen tártippen jáne tásildermen júzege asyrylatyn, kelisimshartta janama retinde kózdelgen qyzmetti oryndaý úshin qajetti jer qoınaýyn paıdalaný jónindegi operasııalardy júrgizý kezinde TJQ-ny menshikti qarajat esebinen satyp alý; 13) satyp alý kody – osy Qaǵıdalardyń 6-tarmaǵynyń 1), 3), 4) tarmaqshalarynda kórsetilgen tásildermen TJQ-ny satyp alýdy júrgizý týraly habarlandyrýlardy qalyptastyrý kezinde nemese osy Qaǵıdalardyń 6-tarmaǵynyń 2) tarmaqshasynda kórsetilgen tásilmen TJQ-ny satyp alý qorytyndylaryn shyǵarý hattamasyn qalyptastyrý kezinde júıemen qalyptastyrylǵan kod; 15) tapsyrys berýshi – osy Qaǵıdalarǵa sáıkes TJQ-ny satyp alýdy júzege asyratyn jer qoınaýyn paıdalanýshy, merdiger, jer qoınaýyn paıdalanýshynyń ýákiletti adamy; 16) tolyq aıaqtalǵan qurylys – salý, ony qamtamasyz etý jáne paıdalanýǵa daıyn obektini tapsyrys berýshige ótkizý; 17) shartty baǵa – ashyq konkýrs sheńberinde satyp alynatyn taýarlardyń qazaqstandyq óndirýshisi nemese jumystar men kórsetiletin qyzmetterdiń qazaqstandyq óndirýshisi bolyp tabylatyn, ashyq konkýrsqa qatysýshynyń konkýrstyq ótinim baǵasynyń jıyrma paıyzǵa shartty túrde azaıtylýy eskerile otyryp eseptelgen jáne tek konkýrs jeńimpazyn aıqyndaý maqsatynda ǵana konkýrstyq baǵa usynystaryn baǵalaý jáne salystyrý kezinde paıdalanylatyn baǵa; 18) sharttyń eleýli talaptary – bul sharttyń nysanasy, taýarlardy jetkizý, jumystardy oryndaý, qyzmetterdi kórsetý merzimderi men oryndary, tóleý tártibi, sharttyń qoldanylý merzimi týraly talaptar; 19) elektrondyq satyp alý júıesi (budan ári – júıe) – satyp alýdy uıymdastyrýshylar (jer qoınaýyn paıdalanýshy nemese jer qoınaýyn paıdalanýshylar ýákilettik bergen tulǵalar) taýarlardy, jumystar men kórsetiletin qyzmetterdi satyp alý úshin paıdalanatyn, ındýstrııalyq-ınnovasııalyq qyzmetti memlekettik qoldaý salasyndaǵy ýákiletti organ munaı jáne gaz salasyndaǵy ýákiletti organmen birlesip bekitetin jer qoınaýyn paıdalaný jónindegi operasııalardy júrgizý kezinde taýarlardy, jumystar men kórsetiletin qyzmetterdi satyp alý tártibine sáıkes qurylatyn jáne paıdalanylatyn elektrondyq aqparattyq júıe; 20) elektrondyq sıfrlyq qoltańba – bul elektrondyq sıfrlyq qoltańba quraldarymen jasalǵan jáne elektrondyq qujattyń durystyǵyn, onyń tıesililigin jáne mazmunynyń ózgermeıtindigin rastaıtyn elektrondyq sıfrlyq nyshandar tizilimi. 4. Satyp alý rásimderin júrgizý jáne satyp alý boıynsha barlyq qujattama, onyń ishinde áleýetti jetkizýshilerdiń konkýrstyq ótinimderi, qosa tirkeletin qujattarmen birge memlekettik jáne orys tilderinde, konkýrstyq qujattamada kózdelgen jaǵdaılarda basqa tilderdegi aýdarmasy qosa berile otyryp, júzege asyrylady. Tapsyrys berýshi bekitken jáne (nemese) áleýetti jetkizýshi usynǵan qujattardaǵy aýdarmalar arasynda kelispeýshilikter týyndaǵan jaǵdaıda, memlekettik tilde usynylǵan qujattar artyqshylyqqa ıe bolady. 5. Baǵalaý rásimderin jeńildetý jáne satyp alýǵa qatysatyn áleýetti jetkizýshiler usynǵan, ártúrli valıýtalarmen kórsetilgen baǵalardy salystyrý úshin qoldanylatyn valıýta, baǵalardy baǵalaý jáne salystyrý kúni Qazaqstan Respýblıkasynyń Ulttyq Banki belgilegen resmı baǵam boıynsha Qazaqstan Respýblıkasynyń valıýtasy - teńge bolyp tabylady. 6. Jer qoınaýyn paıdalaný jónindegi operasııalardy júrgizý kezinde TJQ-ny satyp alýdy tapsyrys berýshi júıeni paıdalana otyryp, mynadaı tásilderdiń birimen júzege asyrady: 1) ashyq konkýrs; 2) bir kózden; 3) baǵa usynystaryn suratý; 4) elektrondyq satyp alý júıesi arqyly. Taýar bırjalary arqyly taýarlardy satyp alý Qazaqstan Respýblıkasynyń taýar bırjalary týraly zańnamasyna sáıkes júzege asyrylady. Osy Qaǵıdalarda aıqyndalǵan barlyq satyp alý rásimderiniń iske asyrylýyn qamtamasyz etetin fýnksıonaldy kózdeıtin júıeni jeke jáne zańdy adamlar jasaıdy. Júıeni paıdalaný tártibin onyń jeke menshik ıesi nemese ıesi aıqyndaıdy. 7. Tapsyrys berýshi óziniń sheshimimen tapsyrys berýshiniń atynan aqparatty qalyptastyrý jáne júıege ornalastyrý boıynsha osy Qaǵıdalarda kózdelgen is-qımyldardy jasaıtyn ýákiletti adamnyń aıqyndaıdy. 8. Áleýetti jetkizýshige ashyq konkýrs tásilimen jáne elektrondy satyp alý júıesi arqyly TJQ-ny satyp alýdy júrgizý kezinde mynadaı biliktilik talaptary qoıylady: 1) quqyqtyq qabilettilikke (zańdy adamdar úshin), azamattyq is-áreket qabilettiligine (jeke adamdar úshin) ıe bolý; 2) tólemge qabiletti bolý; 3) taratý nemese bankrottyq rásimderge jatpaý. Kórsetilgen talaptarǵa sáıkestikti rastaý úshin áleýetti jetkizýshi osy Qaǵıdalardyń 40-tarmaǵynyń 2), 5), 10) tarmaqshalarynda kórsetilgen qujattardy usynady. 9. Jer qoınaýyn paıdalaný jónindegi operasııalardy júrgizý kezinde paıdalanylatyn TJQ-ny satyp alý mynadaı qaǵıdattardy saqtaı otyryp, júzege asyrylady: 1) satyp alý prosesiniń jarııalylyǵy men ashyqtyǵy; 2) áleýetti jetkizýshilerdiń arasyndaǵy adal básekelestik; 3) qazaqstandyq TJQ-ny óndirýshilerdi qoldaý. Tapsyrys berýshi satyp alý rásimderiniń kez kelgen kezeńinde osy Qaǵıdalarda kórsetilgen normalardy buzǵan jaǵdaıda, tapsyrys berýshi satyp alýdy ótkizýden jáne osyndaı satyp alýdy qaıtadan ótkizýge bas tartady. Áleýetti jetkizýshi tapsyrys berýshiniń satyp alýdy ótkizýden bas tartý týraly sheshimimen kelispegen jaǵdaıda, óziniń múddelerin qorǵaý úshin sotqa júginýge bolady. 10. Satyp alý prosesi mynalardy qamtıdy: 1) satyp alýdy josparlaý; 2) jetkizýshini tańdaý jáne onymen satyp alý týraly shart jasasý; 3) satyp alý týraly shartty oryndaý. 11. TJQ-ny satyp alýǵa zańdy adamlardyń ýaqytsha birlestikteriniń (konsorsıýmdar) qatysýyna jol beriledi. Satyp alýǵa osyndaı zańdy adamlardyń ýaqytsha birlestikteri qatysqan jaǵdaıda, onyń qatysýshylary osy Qaǵıdalardyń 40-tarmaǵynda kózdelgen ózderiniń biliktilik talaptaryn rastaıtyn qujattardan basqa: 1) birlestikke (konsorsıýmǵa) kiretin zańdy adamlardyń ýákiletti ókilderi qol qoıǵan jáne osy zańdy adamlardyń fırmalyq mórlerimen bekitilgen birlesken sharýashylyq qyzmeti týraly sharttyń skanerlengen kóshirmesin; 2) eger áleýetti jetkizýshiniń osyndaı qyzmeti Qazaqstan Respýblıkasynyń lısenzııalaý týraly qoldanystaǵy zańnamasyna sáıkes lısenzııalaýǵa jatqan jaǵdaıda, onda konsorsıýmnyń bir nemese birneshe qatysýshysynyń (qatysýshylarynyń) birlesken sharýashylyq qyzmeti týraly shartta kózdelgen qyzmet bóliginde taýarlardy satý, jumystardy oryndaý, qyzmetterdi kórsetý quqyǵyna tıisti lısenzııalarynyń skanerlengen kóshirmelerin usynady. 12. Júıe arqyly jer qoınaýyn paıdalaný jónindegi operasııalardy júrgizý kezinde TJQ-ny satyp alýǵa qatysý úshin Qazaqstan Respýblıkasy Ulttyq kýálandyrýshy ortalyǵynda elektrondyq sıfrlyq qoltańba alý nemese tirkeý kýálikteriniń tirkelimin engizý, zańdy jáne (nemese) jeke adamny júıege satyp alýǵa qatysýshy (tapsyrys berýshi jáne (nemese) jetkizýshi) retinde tirkeý, sondaı-aq júıede aqparatty qalyptastyrýǵa jáne ornalastyrýǵa ýákiletti adamdardy júıede tirkeý qajet. Bul talap osy Qaǵıdalardyń 6-tarmaǵynyń 2) tarmaqshasynda kózdelgen tásilder arqyly ótkiziletin satyp alýǵa qoldanylmaıdy. Belgilengen merzimde júıeniń olardy ashý sátine deıin júıe arqyly ashyq konkýrsqa qatysýshylar jáne (nemese) áleýetti jetkizýshiler usynǵan konkýrstyq baǵa usynystaryn, baǵa usynystaryn elektrondyq satyp alý júıesi arqyly tásilimen satyp alý boıynsha baǵa usynystaryn tapsyrys berýshiniń qaraýyna jol berilmeıdi. Tapsyrys berýshi ótkizetin satyp alýǵa qatysý úshin áleýetti jetkizýshiler usynǵan qujattardy tapsyrys berýshiniń joıýyna jáne (nemese) ózgerteýine jol berilmeıdi. 2. Satyp alýdy josparlaý 13. TJQ-ny satyp alýdyń jyldyq, orta merzimdi, uzaq merzimdi baǵdarlamalary jer qoınaýyn paıdalanýshynyń jumys baǵdarlamasy jáne tıisti bıýdjetteri negizinde ázirlenedi. Jumys baǵdarlamasy bolmaǵan jaǵdaıda TJQ-ny satyp alýdyń jyldyq, orta merzimdi, uzaq merzimdi baǵdarlamalary jer qoınaýyn paıdalanýshynyń bekitilgen bıýdjetteri negizinde ázirlenedi. TJQ-ny satyp alýdyń jyldyq, orta merzimdi, uzaq merzimdi baǵdarlamalarynda jer qoınaýyn paıdalaný jónindegi operasııalardy júrgizý kezinde tikeleı qoldaný úshin jáne kelisimshartta janama kózdelgen qyzmetter úshin satyp alynatyn barlyq TJQ kórsetiledi. TJQ satyp alýdyń jyldyq, orta, uzaq merzimdi baǵdarlamalaryn tapsyrys berýshi júıede ornalastyrýy tıis. 14. Jer qoınaýyn paıdalaný jónindegi operasııalardy júrgizý kezinde jer qoınaýyn paıdalanýshynyń nemese ýákiletti adamyń TJQ-ny satyp alý rásimi TJQ-ny satyp alýdyń jyldyq baǵdarlamasyna sáıkes júzege asyrylady. Jer qoınaýyn paıdalaný jónindegi operasııalardy júrgizý kezinde jer qoınaýyn paıdalanýshynyń nemese ýákiletti adamnyń TJQ-ny satyp alý rásimi osy Qaǵıdalardyń 168-tarmaǵynda kózdelgen jaǵdaılarda satyp alýdyń orta merzimdi nemese uzaq merzimdi baǵdarlamasyna sáıkes júzege asyrylady. 15. Qajet bolǵan jaǵdaıda TJQ satyp alýdyń jyldyq, orta merzimdi jáne uzaq merzimdi baǵdarlamalaryna ózgerister jáne (nemese) tolyqtyrýlar engizilýi múmkin. 16. Jer qoınaýyn paıdalanýshynyń TJQ-ny satyp alýdyń bekitilgen jyldyq, orta merzimdi, uzaq merzimdi baǵdarlamalarynda kózdelgen TJQ-ny satyp alýǵa arnalǵan shyǵystar qysqartylǵan jaǵdaıda, satyp alýdy júzege asyrýdan bas tartýǵa jol beriledi. 3. Jer qoınaýyn paıdalaný jónindegi operasııalardy júrgizý kezinde ashyq konkýrs tásilimen taýarlardy, jumystar men kórsetiletin qyzmetterdi satyp alý tártibi 1-paragraf. Jalpy erejeler 17. Ashyq konkýrs tásilimen birtekti bolyp tabylmaıtyn TJQ-ny satyp alýdy júzege asyrý kezinde tapsyrys berýshige konkýrstyq qujattamada mundaı TJQ-ny lottarǵa mindetti túrde bóle otyryp, kórsetilgen tásilmen biryńǵaı satyp alýdy uıymdastyrýyna jáne júrgizýine jol beriledi. Ashyq konkýrs tásilimen birtekti TJQ-nyń birneshe túrlerin satyp alý TJQ-ny olardyń birtekti túrleri boıynsha lottarǵa jáne olardy jetkizýdiń (oryndaýdyń, kórsetýdiń) orny boıynsha bólý arqyly júzege asyrylady. Tapsyrys berýshi ashyq konkýrsty ótkizgen kezde óziniń qalaýy boıynsha lottardy taýarlardy jetkizýdiń, jumystardy oryndaýdyń jáne (nemese) qyzmetterdi kórsetýdiń bir ornyna ıe birtekti TJQ-nyń sany (kólemi) boıynsha qosymsha bóle alady. Tapsyrys berýshi birtekti taýarlardy, jumystardy nemese kórsetiletin qyzmetterdi satyp alýdy jer qoınaýyn paıdalanýǵa arnalǵan birneshe kelisimshart sheńberinde ótkizgen jaǵdaıda, osyndaı taýarlardy nemese jumystardy nemese kórsetiletin qyzmetterdi satyp alý jer qoınaýyn paıdalanýǵa arnalǵan kelisimsharttar boıynsha satyp alynatyn taýarlardyń nemese jumystardyń nemese kórsetiletin qyzmetter kólemderiniń bólinýi kórsetilgen jaǵdaıda bir lotpen satyp alýǵa jol beriledi. Tolyq aıaqtalǵan qurylys jáne keshendi jumystar bir lotpen satyp alynady. Ashyq konkýrs segiz kezeńde ótkiziledi: 1) konkýrstyq komıssııany qalyptastyrý; 2) konkýrstyq qujattamany qalyptastyrý jáne bekitý; 3) ashyq konkýrsty ótkizý týraly habarlandyrýdy jáne konkýrstyq qujattamany júıede ornalastyrý, sondaı-aq ashyq konkýrsty ótkizý týraly habarlandyrýdy aptasyna keminde úsh ret jarııalanatyn jáne memlekettik jáne orys tilderinde Qazaqstan Respýblıkasynyń aýmaǵynda taratylatyn merzimdi baspasóz basylymdarynda ornalastyrý; 4) konkýrstyq ótinimderdi jınaý; 5) konkýrstyq ótinimderdi ashý hattamasyn jasaı otyryp, júıede konkýrstyq ótinimderdi ashý; 6) konkýrstyq komıssııanyń ashyq konkýrsqa qatysýǵa ruqsat berilgen áleýetti jetkizýshiniń «taýarlardyń qazaqstandyq óndirýshisi» (eger, áleýetti jetkizýshi ashyq konkýrstyń satyp alý nysanasy bolyp tabylatyn taýarlardy óndirgen jaǵdaıda) nemese «jumystardyń, kórsetiletin qyzmetterdiń qazaqstandyq óndirýshisi» (eger áleýetti jetkizýshi ashyq konkýrstyń satyp alý máni bolyp tabylatyn jumystardy oryndaǵan nemese qyzmetterdi kórsetken jaǵdaıda) mártebesine sáıkestigin nemese sáıkes kelmeıtindigin kórsete otyryp, ashyq konkýrsqa qatysýǵa ruqsat berý hattamasyn jasaı otyryp, ashyq konkýrstyń talaptaryna sáıkes kelýine konkýrstyq ótinimderdi qaraýy; 7) ashyq konkýrsqa qatysýshylardyń júıedegi árbir lot boıynsha konkýrstyq baǵa usynystaryn usynýy jáne júıe arqyly qorytyndy shyǵarý hattamalaryn jasaı otyryp, ashyq konkýrstyń jeńimpazyn aıqyndaý; 8) ashyq konkýrstyń jeńimpazymen shart (sharttar) jasasý. Osy tarmaqta kózdelgen jaǵdaılarda áleýetti jetkizýshilerdiń konkýrstyq ótinimderin qaraý, ashyq konkýrsqa qatysýshylardyń konkýrstyq baǵa usynystaryn baǵalaý jáne salystyrý, sondaı-aq ashyq konkýrstyń jeńimpazyn aıqyndaý konkýrstyq qujattamada kózdelgen árbir lot boıynsha júzege asyrylady. 2-paragraf. Konkýrstyq komıssııasyn qalyptastyrý 18. Tapsyrys berýshige jeke ashyq konkýrsqa da, sondaı-aq turaqty negizde de, biraq bir qarjy jylynan aspaıtyn merzimge konkýrstyq komıssııany qurýǵa jol beriledi. 19. Konkýrstyq komıssııanyń quramyna tóraǵa, tóraǵanyń orynbasary jáne konkýrstyq komıssııanyń músheleri kiredi. Komıssııa músheleriniń jalpy sany taq sannan turady. Konkýrstyq komıssııanyń quramynda keminde úsh adam bolýy tıis. Konkýrstyq komıssııanyń hatshysy konkýrstyq komıssııanyń múshesi bolyp tabylmaıdy jáne konkýrstyq komıssııanyń sheshim qabyldaýy kezinde daýys berýge bolmaıdy. 20. Konkýrstyq komıssııanyń otyrystary konkýrstyq komıssııa músheleriniń jalpy sanynyń qarapaıym kópshiligi qatysqan jaǵdaıda ótkiziledi jáne qatysqan konkýrstyq komıssııa músheleri, onyń tóraǵasy, onyń orynbasary men konkýrstyq komıssııanyń hatshysy qol qoıatyn hattamamen resimdeledi. Konkýrstyq komıssııanyń qandaı da bir múshesi qatyspaǵan jaǵdaıda, konkýrstyq komıssııa otyrysynyń hattamasynda onyń qatyspaý sebebi kórsetilip, osy faktini rastaıtyn qujat qosa beriledi. 21. Konkýrstyq komıssııanyń sheshimi ashyq daýys berýarqyly qabyldanady jáne oǵan otyrysqa qatysyp otyrǵan konkýrstyq komıssııa músheleriniń jalpy sanynyń kópshiligi daýys bergen jaǵdaıda, ol qabyldandy dep esepteledi. Daýystar teń bolǵan jaǵdaıda, konkýrstyq komıssııanyń tóraǵasy nemese, ol bolmaǵan jaǵdaıda, tóraǵanyń orynbasary daýys bergen sheshim qabyldanǵan bolyp esepteledi. Konkýrstyq komıssııanyń sheshimimen kelispegen jaǵdaıda, konkýrstyq komıssııanyń kez kelgen múshesi aıryqsha pikirge ıe bolady, ol jazbasha túrde jazylýy jáne konkýrstyq komıssııa otyrysynyń hattamasyna qosa berilýi tıis. 22. Konkýrstyq komıssııanyń tóraǵasy onyń jumysyna basshylyq jasaıdy, komıssııanyń otyrystarynda tóraǵalyq etedi. 23. Konkýrstyq komıssııanyń hatshysy TJQ-ny satyp alý boıynsha ashyq konkýrs rásimderiniń ótkizilýin uıymdastyrady. Konkýrstyq komıssııanyń hatshysy konkýrstyq komıssııa otyrysynyń kún tártibi boıynsha usynystardy daıyndaıdy, konkýrstyq komıssııany qajetti qujattarmen qamtamasyz etedi, konkýrstyq komıssııa otyrysynyń ótkizilýin uıymdastyrady, júıemen qalyptastyrylǵan ótinimder salynǵan konvertterdi ashý hattamasyna, ótinimder salynǵan konvertterdi ashýǵa qatysýǵa ruqsat hattamasyna, ashyq konkýrstyń qorytyndysyn shyǵarý hattamasyna, konkýrstyq komıssııa otyrystarynyń basqa da hattamalaryna qol qoıady, TJQ-ny satyp alý boıynsha ashyq konkýrstyń qujattary men materıaldarynyń saqtalýyn qamtamasyz etedi. 3-paragraf. Konkýrstyq qujattamasyn qalyptastyrý jáne bekitý 24. Konkýrstyq qujattama TJQ-ny satyp alýdyń talaptary men sharttary týraly áleýetti jetkizýshilerdi habardar etýge arnalǵan. Konkýrstyq qujattamany tapsyrys berýshi ázirleıdi jáne bekitedi. 25. Konkýrstyq qujattamada mynadaı talaptar kórsetiledi: 1) ashyq konkýrs tásilimen satyp alýdyń nysanasy (ashyq konkýrs nysanasyna birneshe lot kirgen jaǵdaıda, lottardyń ataýlary men nómirleri); 2) áleýetti jetkizýshi óziniń biliktilik talaptarynyń rastaý úshin usynatyn osy Qaǵıdalardyń 40-tarmaǵynyń 2), 5) tarmaqshalarynda kórsetilgen qujattardyń tizbesi; 3) tapsyrys berýshiniń ataýy (zańdy adam úshin), tegi, aty, ákesiniń aty (jeke adam úshin), zańdy jáne naqty mekenjaıy; 4) ulttyq standart nemese Qazaqstan Respýblıkasy óndirýshileriniń kommersııalyq emes uıymdary bekitken úkimettik emes standart bolǵan kezde ony kórsete otyryp, al qajet bolǵan jaǵdaıda, josparlardy, syzbalar men nobaılardy kórsete otyryp, satyp alynatyn TJQ-nyń fýnksıonaldyq, tehnıkalyq, sapalyq jáne paıdalaný jáne ózge de sıpattamalaryn sıpattaı otyryp, ár lot boıynsha tehnıkalyq erekshelik, sondaı-aq TJQ-nyń osy talaptarǵa sáıkestigin rastaıtyn qujattardyń tizbesi; 5) konkýrstyq baǵa usynysyn qalyptastyrýdyń tártibi, onyń ishinde satyp alynatyn TJQ baǵasynan basqa, qosylǵan qun salyǵyn (budan ári – QQS) esepke almaǵanda, olardy tasymaldaý, saqtandyrý, kedendik bajdardy, salyqtardy alymdardy tóleý shyǵystaryn, sondaı-aq taýarlardy jetkizý, jumystardy oryndaý, qyzmetterdi kórsetý sharttarynda kózdelgen ózge de shyǵystardy shyǵystar lotyna qosý; 6) tólem sharttary; 7) árbir lot boıynsha satyp alynatyn taýarlardyń sany, oryndalatyn jumystar men kórsetiletin qyzmetterdiń kólemi; 8) árbir lot boıynsha taýarlardy jetkizý, jumystardy oryndaý nemese qyzmetterdi kórsetý oryndary; 9) shartty jasaǵan kúnnen bastap árbir lot boıynsha taýarlardy jetkizýdiń, jumystardy oryndaýdyń nemese qyzmetterdi kórsetýdiń merzimderi; 10) konkýrstyq ótinimderdi usynýdyń bastalý men aıaqtalý ýaqyty, olardyń qoldanylý merzimi; 11) konkýrstyq ótinimderdi ashý kúni men ýaqyty; 12) eleýli talaptary men qorytyndylar shyǵarylǵan kúnnen bastap sharttyń merzimi kórsetilgen sharttyń jobasy; 13) Zańnyń 78-babynyń 2-tarmaǵynda kózdelgen tıisti krıterııge sáıkes keletin tapsyrys berýshiniń shartty jeńildikter usyný týraly mindettemesi jáne áleýetti jetkizýshiniń konkýrstyq ótiniminiń shartty baǵasyn esepteý úshin osy Qaǵıdalardyń 42-tarmaǵynda kórsetilgen qujattar tizbesi; 14) konkýrstyq ótinimniń mazmunyna jáne ony resimdeýge qoıylatyn talaptar, sondaı aq áleýetti jetkizýshilerdiń konkýrstyq ótinimderiniń eń az qoldanylý merzimi; 15) áleýetti jetkizýshilerge konkýrstyq qujattama boıynsha túsindirýlerge suraý salýǵa bolatyn tásilder; 16) áleýetti jetkizýshiler júgine alatyn tapsyrys berýshiniń ýákiletti adamdarynyń elektrondyq pochtasynyń mekenjaıy men telefon nómirleri; 17) konkýrstyq ótinimdi jáne (nemese) satyp alý týraly sharttyń oryndalýyn qamtamasyz etýdi engizýdiń kólemi (eger konkýrstyq qujattamada konkýrstyq ótinimdi qamtamasyz etý jáne (nemese) satyp alý týraly sharttyń oryndalýyn qamtamasyz etý kózdelse); 18) árbir lot boıynsha QQS-ty esepke almaǵanda ashyq konkýrstyń nysanasy bolyp tabylatyn TJQ-ny satyp alýǵa bólingen somalar týraly málimetter; 19) osy Qaǵıdalardyń 35-tarmaǵyna sáıkes tapsyrys berýshiniń TJQ-ny satyp alý boıynsha ashyq konkýrsty ótkizýden bas tartýdyń merzimderi men tártibi týraly málimetter; 20) jumystardy oryndaý shartyn oryndaý kezinde osy Qaǵıdalardy saqtaý týraly jer qoınaýyn paıdalanýshynyń áleýetti jetkizýshige (merdigerge) qoıatyn mindetti talaby (áleýetti jetkizýshi merdigerlik jumystardy satyp alǵan jaǵdaıda); 21) satyp alynǵan taýarlardaǵy nemese jumystardaǵy nemese kórsetilgen qyzmetterdegi árbir lot boıynsha paıyzben kórsetilgen (0-den 100-ge deıin) jergilikti qamtý boıynsha eń az talaptar; 22) Zańnyń 19 babynyń 22)-tarmaqshasyna sáıkes bekitiletin Taýarlardy, jumystar men qyzmetterdi satyp alýdyń jyldyq, orta merzimdi, uzaq merzimdi baǵdarlamalaryn, jer qoınaýyn paıdalanýshylardyń satyp alynǵan taýarlar, jumystar men qyzmetter týraly jáne kadrlardaǵy jergilikti qamtý jónindegi mindettemelerdiń oryndalýy týraly esepterin jasaýdyń jáne usynýdyń nysandary men tártibi boıynsha jergilikti qamtý boıynsha eseptilikti ótkizý týraly áleýetti jetkizýshige qoıylatyn talap; 23) esepterde kórsetilgen aqparattyń mazmuny, eseptilikterdi usyný merzimderiniń buzylýy jáne áleýetti jetkizýshilerdiń jergilikti qamtý boıynsha mindettemelerin saqtamaǵany úshin jaýapkershilik. Tapsyrys berýshi konkýrstyq qujattama sharttarynda áleýetti jetkizýshide Qazaqstan Respýblıkasynyń qoldanystaǵy zańnamasyna sáıkes akkredıttelgen uıym sertıfıkattaǵan memlekettik standarttardyń talaptaryna sáıkes sapa menedjmenti júıesiniń (sertıfıkattalǵan júıelerdiń) bolýyn rastaıtyn qujattardy usyný týraly talaptardy kórsetýge bolady. Tapsyrys berýshiniń konkýrstyq qujattamada da ashyq konkýrs tásilimen satyp alýdyń jeńimpazyna árbir lot boıynsha jeke konkýrstyq ótinimdi qamtamasyz etýdi engizýdi rastaıtyn qujattyń túpnusqasyn usyný týraly talaptardy belgileýine jol beriledi. Bul qujatty ashyq konkýrs jeńimpazy shartqa qol qoıý merzimi aıaqtalǵanǵa deıin usynady. Jyldyq kólemi qundyq kóriniste tıisti qarjy jylyna belgilengen on tórt myń eselik aılyq eseptik kórsetkishtiń mólsherinen asyp túsetin jumystardy jáne (nemese) kórsetiletin qyzmetterdi satyp alý kezinde, sondaı-aq osyndaı qyzmet túrlerimen aınalysýǵa lısenzııanyń bolýyn talap etetin qaýipti, erekshe qaýipti jumys túrlerin satyp alý kezinde tapsyrys berýshige áleýetti jetkizýshide satyp alynatyn jumystar, kórsetiletin qyzmetter naryǵynda jáne (nemese) belgili bir salada jumys tájirıbesiniń bolýyn kózdeıtin, áleýetti jetkizýshi tıisti qarjy jylyna belgilengen on tórt myń eselik aılyq eseptik kórsetkishtiń mólsherinen kem túspeıtin shart somasyna jumystardy oryndaǵan, qyzmetterdi kórsetip júrgen uıymdardyń atynan kepildeme hattardyń nemese oń pikirlerdiń skanerden ótkizilgen kóshirmelerimen rastalǵan, oryndalǵan jumystardy, kórsetilgen qyzmetterdi qabyldaý-berýdi rastaıtyn júkqujattardyń, tıisti aktilerdiń skanerden ótkizilgen kóshirmelerin qosa bere otyryp, biliktilik talaptaryn belgileýge jol beriledi. Bul rette jumystardy oryndaý, qyzmetterdi kórsetý salasynda 5 (bes) jyldan asatyn jumys tájirıbesiniń bolýy týraly talap belgileýge jol berilmeıdi. Tapsyrys berýshige konkýrstyq qujattamada taýarlardyń óndirýshisi bergen áleýetti jetkizýshiniń konkýrstyq qujattamada belgilengen kólemde jáne sapada taýardy jetkizý týraly ashyq konkýrs sharttaryn oryndaý múmkindigi bar ekenin rastaıtyn hatty usyný týraly talapty belgileýge jol beriledi. 26. Konkýrstyq qujattamada jer qoınaýyn paıdalaný jónindegi operasııalardy júrgizý kezinde satyp alýdy júzege asyrýdyń mynadaı jaǵdaılaryn qospaǵanda, taýar belgilerine, qyzmet kórsetý belgilerine, fırmalyq ataýlarǵa, patentterge, paıdaly úlgilerge, ónerkásiptik úlgilerge, taýardyń shyǵý ornynyń ataýy men óndirýshiniń ataýyna, sondaı-aq satyp alynatyn TJQ-nyń jeke áleýetti jetkizýshige jáne (nemese) satyp alynatyn taýar óndirýshisine tıesililigin aıqyndaıtyn ózge de sıpattamalarǵa siltemelerdiń mazmunyn kórsetýge jol berilmeıdi: 1) tapsyrys berýshide bar jabdyqty jete jınaqtaý, jańǵyrtý, jóndeý jáne jete jaraqtandyrý úshin; 2) taýardy lızıngke usyný boıynsha kórsetiletin qyzmetterdiń jetkizýshisin aıqyndaý jáne lızıng nysanasyn egjeı-tegjeıli sıpattaýdyń qajettiligin týyndatý úshin. 27. Tapsyrys berýshiniń elektrondyq sıfrlyq qoltańbasy qoıylǵan, bekitilgen konkýrstyq qujattamany tapsyrys berýshi júıede ornalastyrady. Ashyq konkýrsqa qatysý úshin áleýetti jetkizýshiler árbir lot boıynsha konkýrstyq qujattamany jáne tehnıkalyq erekshelikti júkteıdi (kóshirip alady). Ashyq konkýrs lotyna osy lot boıynsha konkýrstyq qujattamany jáne tehnıkalyq erekshelikti júktemegen (kóshirip almaǵan) áleýetti jetkizýshiniń qatysýyna jol berilmeıdi. Árbir lot boıynsha konkýrstyq qujattamanyń jáne tehnıkalyq ereksheliktiń kóshirmesin usyný (tizilimnen alý) faktisi tizilimde avtomatty túrde tirkeledi. 28. Konkýrstyq qujattamany ashyq konkýrsty ótkizý týraly habarlandyrýdyń mátini jarııalanǵanǵa deıin usynýǵa jol berilmeıdi. 29. Áleýetti jetkizýshiniń konkýrstyq qujattamanyń erejelerin túsindirý týraly suraý salýmen tapsyrys berýshige júginýge ony júıede ornalastyrý arqyly jol beriledi, biraq ol konkýrstyq ótinimderdi berýdiń sońǵy merzimi ótkenge deıingi kúntizbelik bes kúnnen keshiktirilmeýi tıis. Tapsyrys berýshi suraý salý tirkelgen kúnnen bastap eki jumys kúni ishinde oǵan jaýap beredi jáne suraý salýdyń kimnen túskenin kórsetpesten, túsindirýdi tizilimde ornalastyrady. 30. Tapsyrys berýshige osy Qaǵıdalardyń 25-tarmaǵynyń 1) tarmaqshasynda kózdelgen málimetterdi qospaǵanda, konkýrstyq qujattamaǵa ózgerister men (nemese) tolyqtyrýlar engizýge jol beriledi. Konkýrstyq qujattamaǵa ózgerister men (nemese) tolyqtyrýlardy konkýrstyq ótinimdi usynýdyń túpkilikti merzimi aıaqtalǵanǵa deıin kúntizbelik bes kúnnen keshiktirilmeıtin merzimde engizýge jol beriledi. О́zgerister men (nemese) tolyqtyrýlar engizilgen kezde tapsyrys berýshi konkýrstyq qujattamany qaıtadan bekitýi tıis jáne tapsyrys berýshi konkýrstyq ótinimdi usynýdyń túpkilikti merzimin áleýetti jetkizýshiler bul ózgeristerdi konkýrstyq ótinimderde eskerýi úshin keminde bes jumys kúni merzimine uzartylady. Tapsyrys berýshi engizilgen ózgerister men (nemese) tolyqtyrýlar eskerilgen konkýrstyq qujattamanyń kóshirmesin ózgerister men (nemese) tolyqtyrýlar engizilgen kúnnen bastap kúntizbelik bir kúnnen keshiktirmeı barlyq áleýetti jetkizýshilerge ony tizilimde ornalastyrý arqyly usynady. Konkýrstyq ótinimdi usyný merzimderin uzartý týraly aqparat júıede ornalastyrylýy tıis. Konkýrstyq ótinimderdi usynýdyń merzimin uzartýdyń negizdemesi konkýrstyq qujattamaǵa ózgerister men (nemese) tolyqtyrýlardyń engizilýi bolyp tabylady. Osy tarmaqqa sáıkes tapsyrys berýshiniń TJQ-ny satyp alýdy júzege asyrýdan bas tartýyna baılanysty ashyq konkýrs tásilimen satyp alýdyń nysanasy bolyp tabylatyn, osy TJQ-nyń keıbir lottaryn alyp tastaý osy Qaǵıdalardyń 25-tarmaǵynyń 1) tarmaqshasynda kózdelgen málimetterge ózgerister engizý dep sanalmaıdy. 4-paragraf. Ashyq konkýrsty ótkizý týraly habarlandyrýdy jáne konkýrstyq qujattamany júıede ornalastyrý, sondaı-aq ashyq konkýrsty ótkizý týraly habarlandyrýdy merzimdi baspasóz basylymdarynda ornalastyrý 31. Ashyq konkýrsty ótkizgen kezde tapsyrys berýshiniń ýákilettik bergen adamy ashyq konkýrs ótkizý týraly habarlamany memlekettik jáne orys tilderinde júıede jáne tizilimniń barlyq qoldanýshylarǵa, onyń ishinde tizilimde tirkelmegen qoldanýshylarǵa ruqsat etilgen bóliginde ornalastyryp, tapsyrys berýshiniń elektrondyq sıfrlyq qoltańbasyn qoıylady. Satyp alýdy ótkizý jáne olardyń qorytyndylary týraly habarlandyrý da Zańnyń 77 babynyń 4-tarmaǵyna sáıkes merzimdi baspa basylymdarynda jarııalanýǵa tıis. 32. Kómirsýtekti shıkizattarǵa arnalǵan kelisimsharttar boıynsha ashyq konkýrsty ótkizý týraly habarlandyrý: 1) eger árbir lot boıynsha satyp alynatyn taýardyń, jumystyń jáne kórsetiletin qyzmettiń jalpy kólemi qundyq kórinisinde tıisti qarjy jylyna belgilengen on tórt myń eselik aılyq eseptik kórsetkishke teń nemese odan aspaıtyn bolsa, konkýrstyq ótinimderdi usynýdyń túpkilikti merzimi ótkenge deıin keminde kúntizbelik on bes kún buryn ornalastyrylady. 2) eger árbir lot boıynsha satyp alynatyn taýardyń, jumystyń jáne kórsetiletin qyzmettiń jalpy kólemi qun­dyq kórinisinde tıisti qarjy jylyna belgilengen on tórt myń eselik aılyq eseptik kórsetkishten asatyn bolsa, konkýrs­tyq ótinimderdi usynýdyń túpkilikti merzimi ótkenge deıin keminde kúntizbelik otyz kún buryn ornalastyrylady. 33. Qaıtalama ashyq konkýrs ótkizilgen jaǵdaıda: 1) eger árbir lot boıynsha satyp alynatyn taýardyń, jumystyń jáne kórsetiletin qyzmettiń jalpy kólemi qundyq kórinisinde tıisti qarjy jylyna belgilengen on tórt myń eselik aılyq eseptik kórsetkishke teń nemese odan aspaıtyn bolsa, konkýrstyq ótinimderdi usynýdyń túpkilikti merzimi ótkenge deıin keminde kúntizbelik jeti kún buryn; 2) eger árbir lot boıynsha satyp alynatyn taýardyń, jumystyń jáne kórsetiletin qyzmettiń jalpy kólemi qun­dyq kórinisinde tıisti qarjy jylyna belgilengen on tórt myń eselik aılyq eseptik kórsetkishten asatyn bolsa, konkýrs­tyq ótinimderdi usynýdyń túpkilikti merzimi ótkenge deıin keminde kúntizbelik on bes kún buryn ornalastyrylady. Qatty paıdaly qazbalarǵa, jerasty sýlaryna, emdik balshyqtarǵa, aǵyndy sýlardy laqtyrýǵa arnalǵan jer qoınaýyn barlaýǵa, barlaý jáne (nemese) ıgerýge baılanysty emes jerasty qurylystaryn salý jáne (nemese) paıdalanýǵa arnalǵan kelisimsharttar boıynsha ashyq konkýrsty ótkizý týraly habarlandyrý konkýrstyq ótinimderdi usynýdyń túpkilikti merzimi ótkenge deıin keminde kúntizbelik on bes kún buryn ornalastyrylady. Qaıtalama ashyq konkýrsty ótkizý týraly habarlandyrý konkýrstyq ótinimderdi usynýdyń túpkilikti merzimi ótkenge deıin keminde kúntizbelik jeti kún buryn ornalastyrylady. 34. Júıede ornalastyrylatyn ashyq konkýrsty ótkizý týraly habarlandyrýda mynadaı málime